Ademais do seu interese arquitectónico, a Igrexa de Vilaboa e un magnífico exemplo da nova maneira de entender a arquitectura relixiosa tras o Concilio Vaticano II, no interior do templo poderemos contemplar unha mostra da obra do mestre do surrealismo galego Urbano Lugrís.

Das tres táboas de temática relixiosa realizadas por encargo do párroco do templo Xosé Cardeso Liñares, é en “O Calvario” e na “Fuxida a Exipto” onde Lugrís mostra un perfecto dominio do debuxo, tratamento da luz, e unha maxistral combinación da estética vangardista e a temática relixiosa. No aulario, que forma parte do complexo parroquial consérvanse, tamén, uns murais didácticos de especial interese.