É unha das igrexas de paso obrigado para os peregrinos que seguen o Camiño Inglés.

Situada nunha ladeira con vistas privilexiadas sobre a ría do Burgo, coñecemos a existencia dunha igrexa anterior á actual a través dun debuxo e sobre todo polo testemuño do Cabaleiro de Almeiras, cuxo sartego descuberto baixo o coro do templo representa a un nobre vestido con armadura e actitude orante. Está depositado no Museo Arqueolóxico Provincial.

Aínda que a igrexa actual foi construída en 1859, a maior parte da obra actual corresponde á reconstrución e reforma promovida polos fregueses tras o incendio do templo en 1936. 

Destaca por manter unha estética clasicista a pesar do seu carácter funcional.