Esta igrexa de orixe románico, dunha soa nave, con ábsida cuadrangular e unha capela menor, dedicada ás Ánimas, localízase nas proximidades da Torre de Celas.


Do exterior destaca a pequena xanela cega da cabeceira, envolvida por dúas arquivoltas que apoian sobre capiteis con decoración vexetal e tímpano cunha cruz.
 Nos canzorros distinguiremos figuras xeométricas, zoomorfas e antropomorfas.

A bóveda de canón, oculta tras un falso teito de madeira, e os arcos de medio punto preséntannos un interior sobrio presidido por un retablo maior do século XVIII que segue os canons barrocos.
A fachada foi reformada no século XIX.