Culleredo ofrece unha ampla variedade de actividades e eventos ao longo de todo o ano.

Ás tradicionais festas nas parroquias, con gran repercusión en toda a comarca, únense feiras temáticas como a Mostra de Artesanía, o Mercado Templario de Burgo de Faro, festivais musicais como o Burgo Jazz, e festas de raíz etnográfica como o Entroido de Veiga, ou o Magosto de Celas.
Todos os segundos domingos de mes hai Feirón en Vilaboa e o cada cuarto xoves na esplanada do Paseo Marítimo.
Eventos deportivos e culturais que se suceden ao longo de todo o ano completan, a ampla programación de actividades no noso municipio.

• Cabalgata de Reis
  Todos os 5 de xaneiro, As súas Maxestades os Reis Magos de Oriente, percorren as parroquias avivando a ilusión de nenos e adultos.
• Entroido
  É unha das celebracións máis arraigadas entre os veciños de todas as parroquias de Culleredo. 
 Merece especial atención o Entroido de Veiga, recuperado en 1984 por un grupo de veciños con colaboración co Concello. Desde entón, todos os luns de Entroido, veciños e visitantes celebran a Romaría de San Blas e escoitan O Testamento, unha crónica satírica da actualidade local, autonómica, nacional e mesmo mundial.
• San Xoán
  Coincidindo coa noite máis curta do ano, cada 23 de xuño, toda Galicia ilumínase coa luz das fogueiras de San Xoán.
  En Culleredo, as familias nas súas casas particulares, os locais de restauración e as asociacións veciñais celebran esta tradición para afastar ao malos espírito. Comida, música e tradición, combínanse co lume das fogueiras nunha noite máxica.
• Magostos
  É a celebración por excelencia do outono en Galicia.
  Castañas e touciño asados nas brasas, viño, queimada e música combínanse para enfrontarse á chegada do frío nos prolegómenos do inverno.
  En Culleredo, aínda que son moitos os magostos que se celebran, é o Magosto de Celas realizado no Parque de Celas o máis relevante.