É un roteiro lineal (antiga PRG 111) de 27 kms que percorre os concellos de Arteixo, Culleredo e Carral e comparte percorrido co roteiro de O Xalo e dos 7 Regos.


Comeza en Arteixo, na Ponte da Ba, no Paseo Fluvial da Baiuca, segue polo val de Loureda, Canzobre.

Chega a Culleredo por Bregua, onde nos recibe a antiga estación de ferrocarril.
Tras pasar por Boedo, seguindo o curso do río Valiñas, chegaremos a Cabana e iniciaremos a subida a O Xalo. Podemos facer un alto no camiño e visitar os muíños do Rego dás Xesteiras, a Torre Medieval e a Igrexa de Santa María de Celas.


O esforzo de ascender ata os 514 metros de altitude dos montes de O Xalo verémolo recompensado coas magníficas vistas panorámicas da comarca e pola enorme riqueza natural, etnográfica e arqueolóxica que nos ofrece este enigmático lugar.

No descenso chegaremos a Folgueira, á área recreativa de Castelo, e desde alí continuaremos ata o final de roteiro na Igrexa neoclásica de San Estevo de Paleo en Carral.