É unha casa señorial do século XVIII con planta en L que loce unha solaina orientada ao sur soportada por ménsulas de granito.
Na súa fachada destaca unha fermosa peza heráldica que reproduce as armas dos Bermúdez, Vilardefrancos, Castro e Rioboo.

Coas obras de ampliación do aeroporto de Alvedro, esta destacada e interesante construción foi trasladada da súa ubicación orixinal e restaurada.